Þorvaldur Gissurarson, forstjóri ÞG Verks, segir vaxtahækkanir Seðlabankans undanfarið hafa í för með sér að fjármagnskostnaður verktaka muni hækka um milljónir króna á dæmigerða íbúð í fjölbýli.

Meginvextir Seðlabankans voru 4,5% vorið 2019 en voru lækkaðir niður í 0,75% í nóvember 2020. Þeir hafa svo verið hækkaðir í áföngum í 4,75%.

Þorvaldur Gissurarson.

„Þetta hefur náttúrulega töluverð áhrif á fjármögnunarkostnað. Byggingarkostnaður lækkaði á sínum tíma með lægri vöxtum en hækkaði á ný þegar vextir voru hækkaðir.

Yfirleitt óverðtryggðir vextir

Við samanburð nú þarf að taka tillit til þess að þessi verkefni eru yfirleitt fjármögnuð á óverðtryggðum vöxtum. Vaxtastig á óverðtryggðum framkvæmdalánum er nú um og yfir 10% og fer hækkandi. Það eru tölur sem hafa ekki sést lengi. Það þarf því að horfa á þær tölur þegar verið er að skoða framkvæmdakostnað og fjármögnunarkostnað.

Því má búast við að fjármögnunarkostnaður yfirstandandi verkefna, og verkefna sem verða í gangi næstu tvö árin, verði töluvert hærri en hann var árið 2019 og mun hærri en árin 2020 og 2021.“

Lestu meira um málið í ViðskiptaMogganum í dag.

Tengdar fréttir

Húsnæðismarkaðurinn

Gerir ráð fyrir 150 samningum í næstu viku

• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða

» Fleiri tengdar fréttir