Verði atvinnuleysi óbreytt fram að áramótum verður meðal atvinnuleysi ársins 2022 3,9% en ekki 4,5% eins og spár gerðu ráð fyrir.

Þetta kemur fram í Hagsjá Landsbankans.

Skráð atvinnuleysi í júní var 3,3% af áætluðum fjölda fólks á vinnumarkaði. Þjóðhagsspá Hagfræðideildar Landsbankans gerði ráð fyrir að atvinnuleysi á árinu 2022 yrði 4,5%. Atvinnuleysi hefur minnkað á milli mánaða en það mældist 3,9% í maí. Alls voru 6.675 manns á atvinnuleysisskrá í lok júní.

Skráð atvinnuleysi hefur minnkað um 8,3 prósentustig frá því það náði hámarki í maí 2021 en þá mældist það 11,6%.

Frétt af mbl.is

Enn dregur úr atvinnuleysi

Atvinnuleysi minnkar hraðar en í kreppunni

„Þess er kannski ekki að vænta að atvinnuleysi minnki verulega úr þessu, en það eru heldur ekki mikil teikn um að það aukist mikið. Það eru því töluverðar líkur á því að meðalatvinnuleysi ársins verði í kringum 4% sem er talsvert minna en spáð hafði verið,“ segir í Hagsjánni.

Atvinnuleysi hefur minnkað hraðar en það gerði eftir fjármálakreppuna þegar lítil lækkun var á milli ára í nokkur ár.

Atvinnuleysi minnkaði alls staðar á milli mánaða en mest á Suðurnesjum og Norðurlandi eystra, eða um 0,8 prósentustig. Það hefur ekki verið minna á Suðurnesjum síðan í mars 2019 en er þar þó mest allra landshluta, 5,8%. Hæst fór atvinnuleysið þar upp í 24,5% í júní 2021.

Tengdar fréttir

Vextir á Íslandi

„Ekki það sem þjóðin þarf á að halda“

• Íslandsbanki hækkar vexti
• Spá því að verðbólgan lækki í 5,7%
• „Græðgi viðskiptabankanna þriggja er taumlaus“
• „Einfalt að hrópa hæðnislegar athugasemdir“

» Fleiri tengdar fréttir

• Blogga um frétt