Hluthafafundur í Sýn í lok ágúst
Setja bókamerki
Stjórn Sýnar hefur, að kröfu Gavia, boðað til hluthafafundar í félaginu sem haldinn verður 31. ágúst nk.
Gavia Invest, félag sem í uppphafi síðustu viku keypti allan eignarhlut Heiðars Guðjónssonar forstjóra, hefur síðan þá aukið við hlut sinn í Sýn og fer nú með um 16% eign í félaginu. Gavia sendi stjórn Sýnar bréf á þriðjudag í síðustu viku þar sem óskað var eftir hluthafafundi, og að á fundinum verði tekin fyrir tillaga um að umboð núverandi stjórnar verði fellt niður og ný stjórn kjörin. Í bréfinu vísar Gavia til þess að umtalsverðar breytingar hafi orðið á hluthafahópi Sýnar.
Reynir Grétarsson, stofnandi Creditinfo, fer fyrir Gavia Invest ásamt Jóni Skaftasyni, sem er náinn samstarfsmaður Jóns Ásgeirs Jóhannessonar. Eins og Morgunblaðið hefur áður greint frá var Arion banki ráðgjafi kaupenda í viðskiptunum sem fram fóru í síðustu viku. Á liðnum dögum hafa átt sér stað töluverð viðskipti með bréf í félaginu.
Þegar þetta er skrifað hefur gengi bréfa í Sýn hækkað um 3,1% það sem af er degi í um 1,4 milljarða króna viðskiptum.
Nauðgaði kærustu sinni og tók það upp
Aðkoman í gripahúsið mjög slæm
Færa slökkviliðið til nútímans
Almannavarnir auka viðbúnað
Hægagangur og vaxandi ókyrrð
Unnu að fullum heillindum að kaupum á TM
„Búið að vera í dreifingu í einhvern tíma“
Ný staða uppi og óvissan meiri