Galdur kaupir 2.000 lítra bjórverksmiðju

Nýafstaðin hlutafjársöfnun Galdurs brugghúss á Hólmavík á Ströndum gerir því kleift að kaupa 2.000 lítra bjórverksmiðju brugghússins Steðja sem nú hefur hætt framleiðslu. Hver lögun í verksmiðjunni mun því geta skilað tvö þúsund lítrum af bjór.

Hlutaféð þýðir einnig að Galdur getur hafið starfsemi með góðan grundvöll, eins og Finnur Ólafsson annar hugmyndasmiða segir í samtali við ViðskiptaMoggann.

Kukl frá Galdri.

Samhliða mun fyrrverandi bruggmeistari Steðja, Philipp Ewers, hefja störf hjá Galdri.

Von er á fyrsta bjórnum á markað fyrir áramót.

Lestu meira um málið í ViðskiptaMogganum í dag.