Verð á jarðgasi er komið á sama stað og fyrir innrás Rússa í Úkraínu eftir lækkanir í vikunni.

Verð á framvirkum jarðgassamningum féll lægst niður í 77 evrur en er nú í kringum 80.

Verðið náði hámarki í ágúst þegar það var um 345 evrur. Síðan þá hefur verðið lækkað um rúmlega 75%. CNBC greinir frá.

Hlýr vetur vinnur með ESB

Verð á gasi hækkaði töluvert eftir að Rússar ákváðu að takmarka aðgengi að rússnesku gasi í kjölfar viðskiptabanns ESB. Álfan stólaði að stórum hluta á rússneskt gas til húskyndingar. 

Veturinn í álfunni hefur verið óvenjulega hlýr, sem hefur leitt til þess að spurn eftir gasi hefur verið minni en ráðgert var.

Lönd í álfunni hafa nýtt veðrið vel og hafa einnig unnið að því að endurnýja gasbirgðir sínar. 

Tengdar fréttir

Úkraína

Þórdís hitti forsætisráðherra Úkraínu í Keflavík

• Úkraína og Lettland gera tvíhliða öryggissamning
• Fjórir látnir eftir flugskeytaárás
• 80 flugskeytum og drónum skotið í átt að Úkraínu
• Sex létust í drónaárás Rússa

» Fleiri tengdar fréttir

• Blogga um frétt