Engar tímaskýrslur með reikningum

Fjármála- og efnahagsmálaráðuneytinu var – þrátt fyrir mótmæli – gert skylt, samkvæmt úrskurði úrskurðarnefndar um upplýsingamál, að afhenda félaginu Frigus II ehf. reikninga frá lögmannsstofunni Íslögum ehf. án þess að afmáðar væru upplýsingar um tímagjald, tímafjölda og það tímabil sem vinna Íslaga fór fram.

Ráðuneytið hafði, eftir ítrekaðar beiðnir, áður látið gögnin af hendi en þá var búið að afmá umræddar upplýsingar. Þegar ráðuneytið afhenti reikningana aftur, þá með tímagjaldi og tímafjölda, var þó búið að afmá upplýsingar um tímabilið sem vinna Íslaga fór fram.

Samkvæmt gögnum sem ViðskiptaMogginn hefur undir höndum hefur úrskurðarnefndin staðfest að afhending ráðuneytisins á gögnunum samræmist ekki úrskurði hennar.

Í þeim samskiptum sem úrskurðarnefndin átti við ráðuneytið kemur einnig í ljós að engar tímaskýrslur fylgdu reikningunum, en þar eru tilgreindir um 460 seldir tímar.

Lestu ítarlegri umfjöllun í ViðskiptaMogganum í dag.