Pfizer kaupir líftæknifyrirtækið Seagen

Bandaríski lyfjarisinn Pfizer hefur náð samkomulagi um kaup á líftæknifyrirtækinu Seagen, sem sérhæfir sig í nýstárlegri meðferð við krabbameini, fyrir 43 milljarða dollara.

Seagen er leiðandi fyrirtæki í rannsóknum, þróun og markaðssetningu á krabbameinsmeðferðum. 

„Pfizer vill beita fjármunum sínum í að efla baráttuna gegn krabbameini en lækningar á krabbameini halda áfram að vera helsta vaxtartækifæri alþjóðlegrar læknisfræði. Kaupin styrkja stöðu Pfizer á þessu mikilvæga sviði,“ sagði Albert Bourla, forstjóri Pfizer.

Búist er við því að viðskiptin verði gengin í gegn í lok þessa árs eða byrjun þess næsta en Pfizer býður 229 dollara í hlut í fyrirtækinu.

Samningurinn hefur verið samþykktur af stjórnum beggja fyrirtækja en er háður samþykki eftirlitsaðila og hluthafa. Þar að auki þarf samningurinn að standast skoðun samkeppniseftirlitsins.

• Blogga um frétt