SaltPay breytir um nafn og verður Teya
Setja bókamerki
Fjártækni- og greiðsluþjónustufyrirtækið SaltPay hefur tekið upp nýtt nafn og heitir nú Teya. Tekur þetta til alls reksturs fyrirtækisins bæði hér á Íslandi og á starfsstöðvum þess í Evrópu. SaltPay varð til úr greiðsluþjónustufyrirtækinu Borgun fyrir nokkrum árum.
Í tilkynningu frá félaginu kemur fram að Teya horfi til þess að styðja við einfaldleika í rekstri lítilla og meðalstórra fyrirtækja er viðkemur þeim hugbúnaði sem notaður er. Á það bæði við um rafræn sölukerfi, greiðsluuppgjör, samþættingu við hugbúnað þriðja aðila og þjónustuvef.
Auk þess að reka greiðsluþjónustu hafði SaltPay meðal annars fjárfest í félögunum Dineout, Noona og Salescloud.
Haft er eftir Jónínu Gunnarsdóttur, forstjóra Teya á Íslandi að fyrirtækið sé með þriðjung allra fyrirtækja á landinu í viðskiptum. „Við tókum miklum framförum á síðasta ári og náðum góðum árangri í rekstri félagsins hér á landi – bæði hvað varðar arðsemi en ekki síður með því að fjölga viðskiptavinum okkar um 20% í hópi lítilla og meðalstórra fyrirtækja. Við erum nú bakhjarl nærri þriðjungs allra fyrirtækjaeigenda í landinu og erum við mjög spennt fyrir næsta kafla í sögu fyrirtækisins undir merkjum Teya.“
„Á réttri leið en nokkuð í land ennþá“
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Banna mengandi búnað sem leyfður er á Íslandi
„Hvílir mikil leynd yfir þessu öllu“
Sex hafa greinst með listeríu
Shakespeare fannst í skókassa