Heiða og Halla nýjar í framkvæmdastjórn hjá Orkusölunni

Heiða Halldórsdóttir hef­ur verið ráðin fram­kvæmda­stjóri sölu- og þjónustu hjá Orku­söl­unni. Hún hefur gegnt stöðu markaðsstjóra fyrirtækisins síðaðstliðin fimm ár en einnig hefur hún gegnt stöðu sviðsstjóra einstaklingssviðs og hefur setið í framkvæmdastjórn fyrirtækisins síðustu tvö ár.

Samhliða þessu mun Halla Marinósdóttir hefja störf sem stjórnandi á sviði árangurs og umbóta hjá fyrirtækinu.

Fram kemur í tilkynningu frá félaginu, að Heiða muni leiða vinnu Orku­söl­unn­ar við sölu og þjónustu til núverandi og nýrra viðskiptavina ásamt því að leiða markaðsmál fyrirtækisins. Auk þess mun Heiða stýra verkefnum á sviði orkuskipta. Heiða situr áfram í framkvæmdastjórn fyrirtækisins.

Halla Marinósdóttir er nýr stjórnandi á sviði árangurs og umbóta hjá Orku­söl­unni. Ljósmynd/Elísabet Blöndal

Halla mun leiða vinnu Orkusölunnar á sviði sjálfbærni, umbóta og gæðamála. Halla mun styðja forstjóra og framkvæmdastjóra félagsins í daglegum verkefnum auk þess að sjá um málefni á sviði mannauðs og lögfræði. Hún mun sitja í framkvæmdastjórn fyrirtækisins.

Halla hefur gegnt stöðu öryggis, umhverfis og gæðastjóra fyrirtækisins undanfarin 3 ár.

Um er að ræða nýjar stöður innan Orkusölunnar en fyrirtækið hefur ráðist í skipulagsbreytingar í kjölfar stefnumótunarvinnu. 

Orku­sal­an rek­ur sex vatns­afls­virkj­an­ir á Íslandi, þar á meðal Lag­ar­foss­virkj­un, Skeiðsfoss­virkj­un og Rjúk­anda­virkj­un. Fé­lagið sel­ur raf­orku til heim­ila, fyr­ir­tækja og stofn­ana um allt land á sam­keppn­ismarkaði. Orku­sal­an er dótt­ur­fé­lag Rarik, sem er í eigu Íslenska rík­is­ins. 

Í framkvæmdastjórn Orkusölunnar eru nú þau Andri Teitsson, Halla Marinósdóttir, Heiða Halldórsdóttir og Þengill Ásgrímsson. Magnús Kristjánsson er forstjóri Orkusölunnar.

• Blogga um frétt