Friðrik ráðinn forstöðumaður lögfræðiráðgjafar Arion banka

Friðrik Ársælsson hefur verið ráðinn forstöðumaður lögfræðiráðgjafar Arion banka og er um nýja stöðu að ræða innan bankans. Lögfræðiráðgjöf heyrir undir nýjasta svið bankans, rekstur og menningu.

Friðrik hefur starfað í lögfræðiráðgjöf Arion banka frá árinu 2019, síðast sem aðstoðaryfirlögfræðingur. Þar áður var Friðrik eigandi á lögmannsstofunni Réttur og sat í stjórn Fjármálaeftirlitsins á árunum 2014-2019. Hann er aðjúnkt við lagadeild Háskóla Íslands og hefur m.a. annast kennslu í félagarétti, fjármálamarkaðsrétti og verið leiðbeinandi fjölda meistararitgerða við skólann. Friðrik er með meistaragráðu í félaga- og verðbréfamarkaðsrétti frá Harvard Law School og lögfræðigráðu frá Háskóla Íslands, að því er segir í tilkynningu. 

• Blogga um frétt