Landsbankinn semur um 75 milljón dala lán

Landsbankinn í Reykjastræti.
Landsbankinn í Reykjastræti. Ljósmynd/Aðsend

Landsbankinn hefur undirritað samning við Norræna fjárfestingarbankann (NIB) um lán sem Landsbankinn tekur upp á 75 milljónir Bandaríkjadali til sjö ára. Nemur það um 10,6 milljörðum íslenskra króna.

Lánasamningnum er ætlað að fjármagna lítil og meðalstór fyrirtæki á Íslandi og verkefni sem tengjast umhverfismálum. Þetta kemur fram í tilkynningu frá Landsbankanum.

Um er að ræða fimmta lánasamninginn sem NIB gerir við Landsbankann, nú síðast í tengslum við BREEAM-vottaða nýbyggingu bankans við Reykjastræti í Reykjavík.

NIB er alþjóðleg fjármálastofnun í eigu átta aðildarríkja: Danmerkur, Eistlands, Finnlands, Íslands, Lettlands, Litháens, Noregs og Svíþjóðar. Bankinn lánar bæði til verkefna í opinbera og einkageiranum jafnt innan sem utan aðildarríkjanna.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK