Grænlensk stjórnvöld gefa grænt ljós á gullnámu

Grænlensk stjórnvöld hafa samþykkt umhverfis- og samfélagsmat fyrir Nalunaq-gullnámuna.

Þetta kemur fram í tilkynningu frá námufyrirtækinu Amaroq Minerals sem birtist fyrr í dag.

Tilgangur matanna var að leggja mat á umhverfisáhrif og félagsleg áhrif sem Nalunaq-verkefnið hefði í för með sér. Fyrirtækið hefur unnið að því að undirbúa frekari gullvinnslu í Nalunaq-gullnámunni.

Frétt af mbl.is

Aukið gullmagn á Nanoq leitarsvæðinu

Mikilvægur áfangi

„Ég get ekki undirstrikað nægilega vel mikilvægi þess að ná þessum áfanga sem við höfum stefnt að síðustu fjögur ár. Ferlið hefur verið langt og strangt, þar á meðal ótal vinnustundir við gerð tæknilegra skýrslna til stuðnings verkefninu,“ er haft eftir Eldi Ólafssyni, forstjóra Amaroq, í tilkynningunni.

Frétt af mbl.is

Svona lítur gullnáma út

Blaðamenn ViðskiptaMoggans heimsóttu Nalunaq-gullnámuna á síðasta ári með Eldi Ólafssyni.

„Við erum komin á þann stað núna að við erum bæði að bora fyrir meira gulli og erum tilbúin að hefja vinnslu á næsta ári,“ sagði Eldur í viðtali við ViðskiptaMoggann á síðasta ári.

• Blogga um frétt