Base parking siglt í 59 milljóna strand

Gjaldþrot bílastæðafyrirtækisins Base parking ehf., sem rak sam­nefnda þjón­ustu fyr­ir farþega sem fóru um Kefla­vík­ur­flug­völl, nemur samtals 58,9 milljónum króna.

Frá þessu er greint í auglýsingu í Lögbirtingablaðinu.

Nafni félagsins var breytt úr Base parking ehf. Í Siglt í strand ehf. rétt fyrir gjaldþrotið.

Frétt af mbl.is

Base parking úrskurðað gjaldþrota

Base Parking geymdi bíla viðskiptavina á bílastæði á Ásbrú. mbl.is/Kristinn Magnússon

Samkvæmt auglýsingu skiptastjóra fengust engar greiðslur upp í lýstar kröfur og var skiptum því lokið, en lýstar kröfur voru sem fyrr segir 58,9 milljónir.

Félagið var tekið til gjaldþrotaskipta í maí, en vikurnar fyrir það höfðu fjölmiðlar birt ýmsar frásagnir viðskiptavina sem lýstu slæmri reynslu sinni af fyrirtækinu. Áður hafði formaður Verkalýðsfélags Keflavíkur og nágrennis sagt við Vísi að áhyggjur hefðu verið uppi um starfsemi Base parking í nokkur ár og grunur um að brotið væri á réttindum starfsmanna.  

Fyr­ir­tækið bauð meðal ann­ars upp á þá þjón­ustu að sækja bif­reiðar viðskipta­vina sem voru á leið er­lend­is og geyma þær á bíla­stæði fyr­ir­tæk­is­ins á Ásbrú. 

• Blogga um frétt