Hjalti nýr framkvæmdastjóri Datera

Hjalti Már Einarsson hefur verið ráðinn nýr framkvæmdastjóri Datera. Hann tekur við keflinu af Hreiðari Þór Jónssyni sem hefur verið framkvæmdastjóri fyrirtækisins frá 2020.

Datera sérhæfir sig í ráðgjöf í gagnadrifinni markaðssetningu og birtingum, en Hjalti hefur starfað hjá fyrirtækinu frá árinu 2021 sem viðskiptaþróunarstjóri. Hjá fyrirtækinu starfa þrettán manns.

Hreiðar situr áfram í stjórn Datera auk þess sem hann sinnir sértækum verkefnum á sviði ráðgjafar og birtinga.

Hjalti Már Einarsson hefur starfað sem viðskiptaþróunarstjóri hjá Datera frá 2021. Áður var hann forstöðumaður markaðssviðs Nordic Visitor frá 2009-2021. Hjalti er með MS-gráðu í upp­lýs­inga­tækni og ra­f­ræn­um viðskipt­um frá IT Uni­versitet í Kaup­manna­höfn og Bachel­or-gráðu í stjórn­un og fram­leiðslu miðla frá Den Gra­fiske Höjskole í Kaup­manna­höfn. Hann hef­ur setið í stjórn Sam­taka vefiðnaðar­ins, í fag­hópi vef­stjórn­enda hjá SKÝ og í stjórn körfuknatt­leiks­deild­ar KR.

• Blogga um frétt