Kaupir Framtakssjóðinn út úr Líflandi

Samkvæmt tilkynningu hefur Framtakssjóðurinn Horn III, sem er í rekstri Landsbréfa, skrifað undir kaupsamning um sölu á 50% hlut í Líflandi.

Kaupandi er Þórir Haraldsson, sem fyrir átti helming hlutafjár í félaginu. Með þessum kaupum verður Þórir eini eigandi Líflands.

Í tilkynningu er haft eftir Þóri:

„Ég hef mikla trú á framtíð Líflands og þeim grunni  sem félagið byggir á. Markmið með kaupunum er að efla enn frekar það góða starf sem hefur verið unnið innan fyrirtækisins. Jafnframt að tryggja að  Lífland haldi áfram að vaxa og dafna og verði áfram eitt af leiðandi fyrirtækjum í landbúnaði og matvælatengdri framleiðslu á Íslandi.

Ég vil nota þetta tækifæri til að þakka Hermanni M. Þórissyni og Steinari Helgasyni, starfsmönnum Horns III, fyrir gott samstarf og stuðning á liðnum árum.“

• Blogga um frétt