Hampiðjan greiddi þrjá milljarða fyrir indverskt félag

Hampiðjan greiddi rúma þrjá milljarða króna við kaup á meirihluta í indverska neta- og kaðlafram­leiðand­an­um Kohinoor. Upphæðin er á svipuðum nótum og áætlað kaupverð sem lagt var upp með.

Fyrirtækið færir nú stóran hluta framleiðslu sinnar til Indlands og vinnur nú að kaupum á landi þar til frekari uppbyggingar. Stefnt er að byrja byggingaframkvæmdir í vor en auk þess á Kohinoor þegar 60 þúsund fermetra verksmiðju á Indlandi.

Hinn 7. febrúar í ár var tilkynnt að Hampiðjan ehf. hefði fest kaup á fest kaup á 75,1% hlut í félaginu Kohinoor Ropes Pvt. Ltd, sem er meðal stærstu kaðlaframleiðenda Indlands. Á Indlandi telst 75% sem ráðandi meirihluti, en á Íslandi er miðað við tvo þriðjunga.

Frétt af mbl.is

Hampiðjan eignast meirihluta í Kohinoor

21,7 milljónir evra

Í kauphallartilkynningu segir að allir fyrirvarar vegna kaupanna séu uppfylltir. Greiðslan hafi numið 21,7 milljónum evra – sem nemur 3,15 milljörðum króna. Forsendur fyrir uppgjöri verði síðan staðfestar og kaupverðið aðlagað, en ekki sé búist við að kaupverðið breytist mikið.

Í kaupsamningunum eru tvö rekstrarafkomuviðmið sem skila seljendum aukagreiðslum ef þau nást. Ef EBITDA sem nemur 4,45 m. evra næst á indverska rekstrarárinu 2024-25, sem lauk 31. mars, kemur til viðbótargreiðsla sem nemur 2 m. evra. Það kemur ekki í ljós fyrr en við endurskoðun uppgjörsins. Endanlegt kaupverð gæti því orðið 25,8 m. evra (7,75 m.kr) ef EBITDA hefur náð 5,52 m. evra.

Frétt af mbl.is

„Samkeppnin varð harðari“

Færa framleiðslu að miklu leyti til Indlands

Fyrirtækið hyggst byggja allt að 70.000 m² verksmiðju í Auric, 20 km frá Aurangabad og stefnir á að færa stóran hluta framleiðslu sinnar úr Evrópu til Indlands en fyrirtækið á félög víða í Evrópu; Mørenot í Danmörku og Noregi og Hambiðjuna Baltic í Litháen.

Þessum breytingum fylgir mikil hagræðing vegna hagstæðara starfsumhverfis á Indlandi, segir í tilkynningunni.

Frétt af mbl.is

Sóknarfæri á nýjum stórum mörkuðum

• Blogga um frétt