Rafbílasala í mikilli sókn – KIA söluhæst á árinu

Sala nýrra fólksbíla hefur tekið verulega við sér á fyrstu 16 vikum ársins, samkvæmt nýjum tölum frá Bílgreinasambandinu. Alls voru 3.172 bílar nýskráðir á tímabilinu, sem er aukning um tæp 52% frá sama tíma í fyrra, þegar skráningar voru 2.092.

KIA er söluhæsta bílamerkið hingað til á árinu með 607 bíla og 19,2% markaðshlutdeild. Þar á eftir kemur Tesla með 368 bíla (11,5%) og Toyota með 351 bíl (11%).

Rafbílar hafa vaxið hratt í vinsældum og salan aukist um 141% milli ára. Sérstaklega hefur sala til einstaklinga aukist og eru rafbílar nú með um 57% markaðshlutdeild meðal einstaklinga. Á móti eru hefðbundnir bensínbílar einungis 2,2% og díselbílar 5,9%, sem þýðir að innan við 9% einstaklinga og fyrirtækja velja nú bíla knúna eingöngu jarðefnaeldsneyti.