Stefán ákærður fyrir 100 milljóna króna skattsvik

Veitingamaðurinn Stefán Magnússon gæti átt yfir höfði sér sex ára fangelsisvist þar sem hann hefur verið ákærður fyrir 100 milljóna króna skattsvik. Stefán rak Reykjavík MEAT og veitingastaðinn í Sjálandi í Garðabæ þar til þau fóru á hausinn.

Þetta kemur fram í ákæru héraðssaksóknara sem mbl.is hefur undir hödnum. Stefáni er gefið að sök að standa ekki skil á opinberum gjöldum sem haldið var eftir af launum starfsmanna veitingastaðanna tveggja.

Héraðssaksóknari ákærir Stefán fyrir að hafa svikið ríflega 32 milljónir króna sem framkvæmdastjóri Steikar ehf. 2020-2022, og síðan svikið rúmlega 68 milljónir á árunum sem framkvæmdastjóri Gourmet ehf. á árunum 2021-2023.

Bæði félögin eru í dag gjaldþrota. 

Allt að 6 ára fangelsi

Málið varðar 262. gr. almennra hegningarlaga, að mati saksóknara, sem þýðir að Stefán gæti þurft að sæta allt að 6 ára fangelsi verði hann sakfelldur.

Steik ehf. rak veitingastaðinn Reykjavík MEAT fram að gjaldþroti 2021 og Gourmet ehf. hélt úti rekstri á veit­ingastaðnum Sjá­land í Garðabæ áður en félagið fór í þrot í október 2023.

Frétt af mbl.is

Gourmet gjaldþrota og Sjáland lokar

Stefán rekur einnig félagið Brunch ehf., sem rak veit­ingastaðinn Mat­hús Garðabæj­ar áður fyrr en eig­enda­skipti urðu árið 2022 og tók fé­lagið MHG10 ehf. við rekstr­in­um. Brunch ehf. kemur ekki fyrir í ákærunni.

Frétt af mbl.is

Félag Stefáns Magnússonar gjaldþrota

• Blogga um frétt