Embla Medical hagnast um 1,7 milljarða

Hagnaður Emblu Medical, móðurfélag Össurar nam 12 milljónum dala, sem jafngildir um 1,7 milljörðum króna á fyrsta ársfjórðungi 2025.

Þetta kemur fram í ársfjórðungsuppgjöri sem Embla birti í morgun. 

Á fyrsta ársfjórðungi nam sala félagsins 203 milljónum Bandríkjadala eða um 28 milljörðum króna.

„Salan var knúnin áfram af sterkum vexti í Asíu og Evrópu. Við héldum áfram að kynna nýju lífrænu- og gervigreindarhnéin okkar (Navii® og Icon®) við góðar undirtektir á helstu markaðssvæðum okkar. Bæði Navii® og Icon® eru frábærar nýjungar sem munu hjálpa okkur að ná til fleiri notenda," segir Sveinn Sölvason, forstjóri Össurar í uppgjörinu. 

Á fjórðungnum nam innri vöxtur á sölu stoðtækja 9%, en sala á spelkum og sjúklingaumönnun stóð í stað á frá fyrra ári. 

Rekstrarhagnaður (EBITDA) nam 36 milljónum dala, sem jafngildir um 5 milljörðum króna. 

„Við skiluðum sterkum rekstarhagnaði á fyrsta ársfjórðungi og var EBITDA framlegð 18% af veltu, sem er 1% hækkun frá sama tímabili í fyrra. Betri framlegð var drifin áfram af auknu hagkvæmni í framleiðslu ásamt aðhaldi í rekstri,“ segir Sveinn. 

• Blogga um frétt