Ársverðbólga mældist 4,2% í apríl samkvæmt nýjustu tölum Hagstofu Íslands og hækkaði úr 3,8% frá í mars. Þetta er hærra en spá Landsbankans, sem hafði gert ráð fyrir 4,0% verðbólgu.

Í Hagsjá Landsbankans kemur fram að hækkunin skýrist meðal annars af meiri hækkun á reiknaðri húsaleigu og matvöruverði en vænst var. Flugfargjöld til útlanda hækkuðu einnig mikið, eða um 20,4% á milli mánaða.

Framlag innfluttra vara til verðbólgu jókst, einkum vegna hækkana á raftækjum, tómstundavörum og fatnaði.

Landsbankinn spáir nú að verðbólga verði 3,9% í maí og júní, og 3,7% í júlí. Þar að auki telur bankinn minni líkur á vaxtalækkun í næstu vaxtaákvörðun Seðlabankans 21. maí, þar sem einkaneysla og húsnæðisverð halda áfram að hækka.

Tengdar fréttir

Vextir á Íslandi

„Pólitísk stefna að hafa vexti svona háa“

• Vaxtalækkun á endastöð nema verðbólga lækki
• „Við þurfum að koma okkur út úr þessari stöðu“
• „Hefði svo sannarlega viljað sjá kröftugra skref stigið“
• Stýrivextir lækkaðir um 0,25 prósentustig

» Fleiri tengdar fréttir

• Blogga um frétt