Rými fyrir aukna skuldsetningu félagsins

Hins vegar leggur hann ríka áherslu á að halda fjármögnuninni stöðugri og öruggri. Hann vill lengja meðaltíma lána félagsins til að jafna endurfjármögnunaráhættu yfir tíma.

„Ég vil vera í stöðu þar sem aldrei meira en fimm prósent af skuldsetningu félagsins komi til endurfjármögnunar á einu ári,“ segir hann, og útskýrir að þannig verði hægt að viðhalda stöðugum vaxtakostnaði og skýrum rekstrarforsendum til framtíðar.

Hreiðar lýsir því einnig að hann sjái mikla möguleika í að nýta sterka stöðu Eikar gagnvart lífeyrissjóðum og fjárfestum með útgáfu skuldabréfa með lengri lánstíma. Hann er jákvæður gagnvart þróun vaxta á Íslandi og spáir lækkandi grunnvöxtum á næstu árum, sem gæti aukið verðmæti slíkra fjármögnunarleiða.

„Við erum ekki fyrirtæki sem tjaldar til einnar nætur. Við viljum byggja stöðugan rekstur og tryggja langtímasambönd við fjárfesta okkar, líkt og við viljum gera við viðskiptavini okkar.“