Þungur rekstur hjá WW

WW International, áður þekkt sem WeightWatchers, hefur óskað eftir gjaldþrotaskiptum samkvæmt kafla 11 í Bandaríkjunum. Kafli 11 veitir fyrirtækjum tímabundna lagalega vernd gegn kröfuhöfum á meðan þau vinna að samþykktri endurskipulagningu. WW hyggst nýta þetta ferli til að styrkja fjárhagsstöðu sína en félagið áætlar að ljúka ferlinu innan 45 daga.

Samkvæmt yfirlýsingu forstjórans, Tara Comonte, sem tók við stjórnar­taumunum árið 2024, mun þessi aðgerð skapa svigrúm til að hraða nauðsynlegri nýsköpun, þróa þjónustu tengda heilsu og þyngdarstjórnun og fjárfesta áfram í meðlimum fyrirtækisins. Hún segir reksturinn halda áfram á meðan á ferlinu stendur og að um 72% lánveitenda hafi nú þegar lýst yfir stuðningi við áætlunina.