Spá AGS bjartsýnni en innlendra aðila

Kári S. Friðriksson, hagfræðingur í Arion greiningu, var gestur í viðskiptahluta Dagmála þessa vikuna en efnahagsmálin voru til umræðu. Alþjóðagjaldeyrissjóðurinn birti yfirlýsingu á dögunum þar sem fram kom að talið væri að verðbólgan hér á landi yrði komin í markmið á seinni hluta næsta árs.

Kári segir þessa spá bjartsýnni en spár Arion greiningar og annarra innlendra greiningaraðila.

„Langt fram í tímann er sennilega mikil óvissa um verðbólguna. Þannig að þetta er langt frá því að vera útilokað. En óvæntir skellir eiga til að ýta verðbólgunni upp frekar en niður. Og við spáum því að hún verði einhvers staðar í kringum þrjú til þrjú og hálft prósent í lok næsta árs,“ segir Kári.

Áskrifendur Morgunblaðsins geta horft á þáttinn í heild sinni hér: 

Tollarnir hefðu ekki mikil áhrif á hagkerfið hér