Von á 300 manns frá flestum Evrópulöndum

Evrópska einkaleyfastofan (EPO) heldur verðlaunaafhendingu, Young Inventors Prize, í Hörpu þann 18. júní kl. 16:00. Tíu ungir frumkvöðlar undir 30 ára aldri verða heiðraðir fyrir nýsköpun sem stuðlar að sjálfbærari framtíð í anda þróunarmarkmiða Sameinuðu þjóðanna.

Í tilkynningu kemur fram að verkefnin varði meðal annars kolefnisföngun frá skipum, endurvinnslu sjaldgæfra efna, snjallmerki gegn matarsóun og lausnir við rafrænan úrgang. Þátttakendur koma víðsvegar að úr heiminum og voru valdir úr rúmlega 450 umsóknum.

Verðlaunaafhendingunni verður streymt í beinni útsendingu á netinu og er öllum opin. Þetta er í fyrsta sinn sem viðburðurinn fer fram utan höfuðstöðva EPO í München.

• Blogga um frétt