Krefjast viðskiptaverndar í formi tolla

Félagið segir innflutning á verulegu undirverði hafi leitt til alvarlegs samkeppnishalla, lægra söluverðs og rekstraróvissu sem setji framtíð 120 starfa og 30 milljarða fjárfestingu í uppnám.

PCC rekur verksmiðju við Bakka á Húsavík þar sem framleiddur er kísilmálmur. Stærsti eigandi er þýska fyrirtækið PCC SE í Þýskalandi með 65% eignarhlut en 35% eiga innlendir lífeyrissjóðir og Íslandsbanki.

Morgunblaðið leitaði til Kára Marísar Guðmundssonar forstjóra PCC vegna stöðunnar:

„Útlitið er mjög dökkt og við höfum reynt að halda starfsfólki upplýstu sem og öllum lykilaðilum á svæðinu, sveitarstjórn og verkalýðsfélögum og einnig birgjum og viðskiptavinum. Við metum stöðuna í hverri viku og látum vita um leið og eitthvað breytist. En útlitið er ákaflega dökkt.“

Nán­ari um­fjöll­un má finna í Morg­un­blaðinu í dag. Einnig má nálg­ast hana án end­ur­gjalds í Mogg­an­um, nýju appi Morg­un­blaðsins og mbl.is.