Útboð á eftirstandandi hlut ríkisins í Íslandsbanka er hafið. Útboðið hófst klukkan hálf níu í morgun og stendur yfir þar til klukkan 17 á fimmtudaginn.

Þetta kemur fram í tilkynningu frá Stjórnarráðinu.

Frétt af mbl.is

Frumvarp um sölu Íslandsbanka samþykkt

Útboð í þremur hlutum

Til stendur að selja 20 prósent eftirstandandi hlut ríkisins í bankanum. 

Útboðið fer fram í þremur hlutum þar sem einstaklingar með íslenska kennitölu njóta forgangs.

Alþingi samþykkti fyrr í þessum mánuði breytingar á lögum um ráðstöfun eignarhluta ríkisins í Íslandsbanka þar sem bætt var við þriðju tilboðsbókinni, tilboðsbók C.

Í þeirri tilboðsbók fá eftirlitsskyldir fagfjárfestar sem gera tilboð fyrir eigin reikning með eignir umfram 70 milljarða kr., hefðbundnara úthlutunarferli. 

Það var gert að fenginni ráðgjöf söluráðgjafa með það að markmiði að tryggja aðkomu allra fjárfestahópa og auka líkur á virkari þátttöku stórra fjárfesta án þess að ganga á forgang einstaklinga. 

Frétt af mbl.is

Ríkið semur við erlenda söluaðila vegna útboðsins

Tengdar fréttir

Sala á hlut ríkisins í Íslandsbanka

Vill að Þorbjörg dragi orð sín til baka

• Yfir 31 þúsund einstaklingar fá hluti
• Ráðherra og fjármálaráðgjöfin sem ekki var
• Hafnar öllu tali um að hafa haft áhrif á útboðið
• „Gríðarlega gaman að fá tugþúsundir nýrra hluthafa“

» Fleiri tengdar fréttir

• Blogga um frétt