Landsbankinn spáir 3,9% verðbólgu í maí

Landsbankinn spáir því að verðbólga lækki úr 4,2% í 3,9% í maí, samkvæmt nýrri Hagsjá. Gert er ráð fyrir 0,36% hækkun vísitölu neysluverðs milli mánaða. Bankinn spáir að verðbólga hjaðni aðeins yfir sumarið en aukist aftur með haustinu og verði 4,0% í árslok.

Matvöruverð hefur hækkað umfram verðbólgu, einkum á kjöti, grænmeti og sælgæti. Hækkun á mjólkurverði gæti einnig haft áhrif í maí. Landsbankinn spáir lækkun á flugfargjöldum og bensíni, en vægri hækkun á fötum og skóm.

• Blogga um frétt