Peningastefnunefnd Seðlabanka Íslands er líkleg til að halda stýrivöxtum óbreyttum í 7,75% þegar hún kynnir ákvörðun sína miðvikudaginn 21. maí, samkvæmt nýrri greiningu Hagsjár Landsbankans. Verðbólga mældist 4,2% í apríl, hærri en búist var við, og hefur kortavelta og innlend velta sýnt áframhaldandi styrk í hagkerfinu. Raunstýrivextir eru enn nálægt 3,6%, sem Landsbankinn telur veita Seðlabankanum svigrúm til að bíða með frekari vaxtalækkun.

Greining Landsbankans áætlar að nefndin bíði með næstu lækkun fram í ágúst, enda hafi verðbólguvæntingar ekki lækkað markvert og efnahagsumsvif haldist stöðug. Greiningin byggir á gögnum um þróun verðbólgu, raunstýrivaxta og hagstærða en tiltæk gögn Seðlabankans um apríl liggja ekki enn fyrir.

Tengdar fréttir

Vextir á Íslandi

Verðbólga aukist í júní

• „Pólitísk stefna að hafa vexti svona háa“
• Vaxtalækkun á endastöð nema verðbólga lækki
• „Við þurfum að koma okkur út úr þessari stöðu“
• „Hefði svo sannarlega viljað sjá kröftugra skref stigið“

» Fleiri tengdar fréttir

• Blogga um frétt