Viðskipti með hlutabréf Amaroq stöðvuð í Kanada

Viðskipti með hlutabréf Amaroq Minerals voru stöðvuð á kanadísku hlutabréfamarkaðnum TSX Venture Exchange í gær klukkan 13:37 að staðartíma. Stöðvunin var framkvæmd af kanadísku fjárfestingareftirlitsstofnuninni (CIRO) vegna óvenjulegrar markaðsvirkni og stendur yfir á meðan beðið er eftir frekari upplýsingum frá fyrirtækinu. 

Í yfirlýsingu frá Amaroq Minerals kemur fram að stjórnendur fyrirtækisins séu ekki meðvitaðir um neinar efnislegar breytingar í rekstri sem gætu skýrt þessa hækkun á markaði. 

Áður en viðskiptin voru stöðvuð hafði hlutabréfaverð Amaroq hækkað um yfir 100% og náði 2,90 kanadadölum, sem er hæsta verð í sögu félagsins. Þessi mikla hækkun vakti athygli eftirlitsaðila og leiddi til stöðvunar viðskipta.

Frétt af mbl.is

Amaroq hækkar um 108% í kauphöll

Á meðan viðskipti með hlutabréf Amaroq eru stöðvuð í Kanada, halda þau áfram á öðrum mörkuðum, þar á meðal í London og á Íslandi. Beðið er eftir opnun viðskipta í Kanada. 

Amaroq Minerals er námuvinnslufyrirtæki sem einbeitir sér að gull- og steinefnaleit í Suður-Grænlandi. Fyrirtækið á 100% í Nalunaq gullnámusvæðinu og hefur nýlega skilað uppfærðri tækniskýrslu um svæðið. 

• Blogga um frétt