Kvika hafnar samrunaviðræðum við Arion banka og Íslandsbanka 

Stjórn Kviku banka hafnar erindum Arion banka og Íslandsbanka um mögulegar samrunaviðræður, að því er fram kemur í tilkynningu frá bankanum í dag.

Erindin bárust þann 27. og 28. maí síðastliðinn, en eftir mat á þeim telur stjórn Kviku að tilboð bankanna endurspegli ekki virði Kviku. Á þeim grundvelli séu ekki forsendur til að hefja samrunaviðræður að svo stöddu.

Í tilkynningunni kemur þó fram að stjórn Kviku telji að tækifæri og verðmæti geti falist í sameiningu félaga, bæði fyrir hluthafa og viðskiptavini. Ef Arion banki eða Íslandsbanki eru tilbúnir að endurskoða forsendur erindanna, er stjórn Kviku reiðubúin að endurmeta afstöðu sína.

• Blogga um frétt