Bandaríkjamenn slá ferðalögum á frest

Greinendur kenna tollastefnu Donalds Trumps um þessa þróun og segja bandaríska neytendur óttast að verðbólga kunni að hækka og ástandið á atvinnumarkaði fara versnandi.

Óheppilegur tími og óvissa

Að sögn FT kemur þessi samdráttur á óheppilegum tíma fyrir bandaríska ferðaþjónustugeirann því töluverð fækkun hefur orðið í fjölda ferðamanna frá Kanada og Evrópu. Hefur samdráttur í komum erlendra ferðamanna verið rakinn til efnahagslegrar óvissu og frétta af vandræðum ferðalanga við komuna til Bandaríkjanna. Flugferðir á milli Kanada og Bandaríkjanna voru um fjórðungi færri í maí á þessu ári en í sama mánuði í fyrra, og á fyrstu fjórum mánuðum þessa árs fækkaði komum franskra og þýskra ferðamanna til Bandaríkjanna um 7%. ai@mbl.is