Raquelita Rós til Itera á Íslandi

Raquelita Rós Aguilar hefur verið ráðin tæknilegur leiðtogi hjá Itera á Íslandi. Hún kemur til starfa með víðtæka reynslu af upplýsingatækni, nýsköpun og stafrænni umbreytingu og mun leiða tæknilega stefnumótun félagsins á íslenskum markaði.

Samkvæmt tilkynningu mun Raquelita ekki aðeins stýra stefnu og tæknivídd fyrirtækisins heldur einnig vinna náið með núverandi viðskiptavinum og styðja við frekari vöxt og þróun. Hún er menntuð í tölvunarfræði og hefur gegnt bæði tæknistörfum og stjórnunarhlutverkum hérlendis og erlendis.

Haft er eftir Snæbirni Inga Ingólfssyni, framkvæmdastjóra Itera á Íslandi, í tilkynningu að ráðningin sé liður í því að efla þjónustu og dýpka tengsl við íslenska viðskiptavini.

• Blogga um frétt