Merki Robotaxi ekki traustvekjandi
Setja bókamerki
Bandaríski rafbílaframleiðandinn Tesla hefur hafið prufukeyrslu á sjálfakandi leigubílum en merki bílanna hefur vakið athygli.
Leigubílaþjónustan kallast „Robotaxi“ og felur í sér takmarkaðan fjölda bíla sem aka án ökumanns og rukka fasta upphæð, 4,20 dali, fyrir hverja ferð.
Robotaxi-merkið er skrifað í graffítístíl á framhurðum bílanna og minnir á útlit merkis Tesla Cybertruck. Þetta þykir einkennileg ákvörðun í ljósi þess hve slæmar viðtökur Cybertruck fékk.
Ekki traustvekjandi
Sérfræðingar í hönnun hafa gagnrýnt nýja lógóið. Eben Sorkin, listrænn stjórnandi hjá Darden Studio, segir lógóið vera „óreiðukennt og kæruleysislegt, ekki traustvekjandi.“ Hann spyr hvort fólk myndi treysta flugfélagi með merki með svipuðu útliti.
Hönnuðir tala um að gott vörumerki eigi að endurspegla fyrirheit vörunnar. Þegar komi að sjálfkeyrandi ökutækjum skipti höfuðmáli að vekja öryggi og traust og þykir Robotaxi-merkið ekki gera það.
Þrátt fyrir gagnrýnina hefur hlutabréfaverð Tesla hækkað og auðæfi Elon Musk hafa aukist um 19 milljarða bandaríkjadala.
Ný 85 íbúða þyrping fyrirhuguð í Skógarhlíð
Hefja undirbúning verkfalla í ágúst
Óvænt bakslag á Barónsstíg: Leyfið afturkallað
Hanna fái aðgang að „jafnaðargeðsnámskeiði“
Eitt og hálft ár tekur að afgreiða umsóknir
Einu versluninni og sjoppunni lokað: „Dálítið hark“
Aðeins 17% þjóðarinnar andvíg veiðigjaldafrumvarpinu