„Fólk hefur sínar leiðir til þess að ná í áfengið“

Í viðskipta­hluta Dag­mála þessa vik­una var rætt um fjár­mála­hlið íþrótta. Gest­ur þátt­ar­ins var Sæv­ar Þór Sveins­son, sér­fræðing­ur í þeim efn­um og um­sjón­ar­maður vefs­ins Utan vall­ar.

Áfengissala á íþróttaviðburðum skilar íþróttafélögum tekjum, en samkvæmt Sævari, eru tekjurnar í stóra samhenginu fremur litlar. „Ég held að þetta sé eitthvað bara klink fyrir félögin þannig séð,“ segir hann, en bendir á að tekjurnar geti þó haft jákvæð áhrif á reksturinn.

„Hjá flestum félögum hérna heima þá er þetta svolítið mikið hark, þannig hver króna skiptir máli. En síðan eru þessi félög að velta nokkrum hundruð milljónum flestöll þannig þetta er kannski ekki það mikilvægasta, en allt margt smátt gerir eitt stórt,“ útskýrir hann.

Sævar segir ekki ljóst hvernig tekjurnar skiptast innan félaganna, til dæmis milli aðalfélaga og stuðningsmannafélaga, en umræðan um málið hafi verið mikil. Hann telur þó að rétt sé að heimila áfengissölu á íþróttavöllum.

„Félögin njóta góðs af þessum tekjum og ég held að það sé nú ekkert vesen á vellinum sem fylgir einhverri áfengissölu,“ segir hann.

Hann bendir jafnframt á að ef áfengissala er bönnuð á vellinum muni stuðningsmenn einfaldlega leita á bari fyrir eða eftir leiki.

„Fólk hefur sínar leiðir til þess að ná í áfengið. Þannig kannski bara betra að félögin fái tekjurnar af því,“ bætir hann við.

Áskrifendur Morgunblaðsins geta horft á þáttinn í heild sinni hér:

Íslensku félögin geti lært af þeim erlendu

• Blogga um frétt