Fagna stöðugleika en benda á skattbyrði

Samtök iðnaðarins (SI) fagna áherslu fjárlagafrumvarpsins fyrir árið 2026 á stöðugleika og ábyrgari ríkisfjármál, en vara við því að fjárfestingar í innviðum og menntun séu ekki nægjanlegar til að tryggja framtíðarvöxt.

Í umsögn til fjárlaganefndar lýsa SI ánægju með aðhaldssemi í ríkisfjármálum en benda á að þung skattbyrði dragi úr fjárfestingum og verðmætasköpun. Samtökin leggja áherslu á að festa í sessi skattahvata til rannsókna og þróunar.

Þá telja samtökin að fjárfesting í samgöngum dugi ekki til að vinna á mikilli innviðaskuld.