Orkuveitan og ógnirnar

Fyrirtæki innan samstæðu Orkuveitunnar hyggjast fjárfesta fyrir samtals 245 milljarða króna á árunum 2026-2030. Áætlaðar árlegar fjárfestingar nema því tæpum 50 milljörðum króna. Hér er um að ræða Veitur, Orku náttúrunnar, Ljósleiðarann og Carbfix.

Sævar Freyr Þráinsson forstjóri Orkuveitunnar bendir á í tilkynningu að áhugi erlendra aðila á grænni orku og kolefnisbindingu sé vaxandi og tækifæri séu til uppbyggingar grænna iðngarða. Sömuleiðis bendir hann á að í fjárhagsspá fyrirtækjanna sé hugað að viðnámsþrótti samfélagsins gagnvart loftslagsvánni og fleiri ógnum. mj@mbl.is