Með sama markmið og Samkeppniseftirlitið

Niðurstaða á næstu mánuðum

Ármann segir aðspurður að engin tímamörk séu í forviðræðunum. „En markmið okkar er að láta þetta ekki dragast mjög á langinn. Mín persónulega von er að það verði komin einhver niðurstaða úr forviðræðunum á næstu 2-3 mánuðum.“

Spurður um næstu skref hjá honum sjálfum gangi samruninn eftir segist Ármann ekki sækjast eftir að leiða sameinaðan banka. „Það hefur enginn komið að máli við mig,“ segir hann og hlær.

Hann segir þó ekki loku fyrir það skotið að hann haldi áfram störfum hjá sameinuðu fyrirtæki, þó það verði ekki sem forstjóri. Það sé þó allt óráðið.

Ármann segir aðspurður óhjákvæmilegt að einhverjir missi vinnuna hjá báðum bönkum, enda sé kostnaðarhagræði eitt af því sem stefnt sé að með samrunanum. „Það liggur fyrir að bæði ég og Benedikt [Gíslason bankastjóri Arion banka] munum í sameiningu skipa í stöður með það grundvallarmarkmið að velja hæfasta fólkið í störfin óháð hvaðan það kemur. Fyrir minni aðilann eins og okkur er það mjög mikilvægt, enda hefur það oft orðið lendingin í samrunum að stærri aðilinn ráði meiru í þeim efnum,“ segir Ármann að endingu.