Opin fyrir tækninýjungum

Spurður um helstu áskoranir í byggingariðnaði, gps-leiðréttingum og vélastýringum í dag segir sérfræðingurinn að byggingariðnaðurinn sé mjög íhaldssamur. Hann fjárfesti afar lítið í tæknilausnum samanborið við aðrar framleiðslugreinar. „Það er áskorun að fá stjórnvöld til að aðlagast og bjóða út verk sem stuðla að notkun nýrrar tækni. Með því að nota lausnir okkar verða byggingarverkefni ekki aðeins skilvirkari með því að spara kostnað og auka framleiðni heldur vernda þau einnig umhverfið.“

Hvernig getur tækni Topcon stutt íslensk fyrirtæki sem glíma við manneklu, háan kostnað eða afskekkta verkstaði?

„Á Íslandi er efnis- og starfsmannakostnaður mjög hár. Þetta gerir að verkum að notkun vélstýringa og verkstjórnunartóla verður enn gagnlegri. Með skýjalausnum geta viðskiptavinir fjarstýrt stórum hluta verkstaða þar sem öll kerfin tengjast. Mæligögnum, vélstýringum og þrívíddarhönnun er hægt að stjórna í rauntíma hvaðan sem er. Við styðjum einnig samþættingu við þriðja aðila svo hægt sé að deila gögnum með öllum verkaðilum.“