Íslandsbanki telur líkur á óbreyttum vöxtum

Flestir aðrir liðir VNV hækkuðu á milli mánaða. Tómstundir og menning hækkaði um 0,8% og hafði mest áhrif á hækkun vísitölunnar að húsnæðisliðnum undanskildum. Matur og drykkjarvörur hækkuðu um 0,55% sem má að mestu rekja til verðhækkunar á kjöti. Síðustu mánuði fór að hægja á verðhækkunum á matvörum eftir miklar hækkanir fyrr á árinu.

„Flugverð hækkar um 1,1% en galdþrot Play hefur því ekki haft mikil áhrif á flugverð í október eins og Hagstofan mælir það. Einungis hluti af mælingunni fór fram eftir gjaldþrot Play þar sem flugverð sem notað er í útreikningum í október var mælt í ágúst, september og október. Áhrifin munu því koma betur í ljós næstu mánuði en við teljum áhrifin ekki veruleg,“ segir í greiningunni.

Íslandsbanki telur að líklegt sé að stýrivöxtum verði haldið óbreyttum við næstu vaxtaákvörðun, þrátt fyrir vaxandi mótbyr í útflutningsgreinum.