Almenningur aðaleigandi bankanna

Þá var svokölluð óvaxtaberandi bindiskylda Seðlabankans hækkuð á síðustu tveimur árum úr 1% í 3% sem aðilar á borð við Alþjóðagjaldeyrissjóðinn hafa sagt ígildi skattlagningar á fjármálastarfsemi. Á síðasta ári áætlaði Seðlabankinn að árlegur kostnaður af hækkun bindiskyldunnar næmi um 5,5 milljörðum króna miðað við þáverandi vaxtastig.

Heiðrún bendir á að miklu skipti að á hverjum tíma hugi stjórnvöld vel að starfsumhverfi innlendrar fjármálaþjónustu.

„Kenningar hagfræðinnar segja okkur að kostnaðurinn af þessum kröfum stjórnvalda skiptist að öllu jöfnu í einhverjum hlutföllum milli eigenda og viðskiptavina fjármálafyrirtækja sem í báðum tilfellum eru að verulegu leyti almenningur, heimilin í landinu.“

Hún bætir við að samkeppnishæfni Íslands skipti miklu þegar kemur að verðmætasköpun í hagkerfinu.

„Mikilvægt er að íslenska fjármálakerfið geti þjónustað íslensk fyrirtæki sem best. Því má halda fram að það sé skammsýni að viðhalda þessum sértæku álögum á fjármálaþjónustu hér á landi,“ segir Heiðrún.

Greinina í heild sinni má lesa í Morgunblaði dagsins.