Enn tækifæri á skuldabréfamarkaði

Hann bætir við að vaxandi veikleikar í raunhagkerfinu geti aukið á áhættufælni fjárfesta, sem er yfirleitt neikvætt fyrir hlutabréfamarkaði en getur verið jákvætt fyrir öruggari fjárfestingarkosti eins og skuldabréf.

„Í öðru lagi sáum við erlenda aðila auka við skuldabréfastöður í ágúst og september, og það kæmi mér ekki á óvart miðað við veltutölur á markaðnum að sú þróun hafi haldið áfram í október, þótt hún sé kannski að snúast aðeins við núna á síðustu dögum. Markaðurinn hefur glímt við ákveðinn súrefnisskort á árinu og þess vegna getur nýtt innflæði hleypt töluverðu lífi í markaðinn, eins og við höfum séð í haust með aukinni þátttöku erlendra fjárfesta,“ segir Hafsteinn.

Spurður hvernig hann meti horfurnar á mörkuðum segir Hafsteinn að það sé mögulega að einhverju leyti búið að „kreista safann" úr skuldabréfamarkaði eftir mikla kröfulækkun síðan í ágúst.

„Það eru ennþá tækifæri á markaðnum, en ég held að skuldabréfafjárfestar þurfi að vera aðeins kresnari til að nýta þau núna en fyrir þremur mánuðum,“ segir hann.

Hafsteinn bendir á að íslensk hlutabréf hafi á heildina litið setið eftir í þessari hækkunarrispu sem flestir erlendir markaðir hafi tekið síðustu þrjú ár.

„Auðvitað skýrist það að einhverju leyti af háum vöxtum og tvísýnum horfum í útflutningi, en ég held að það sé full ástæða til að vera vakandi fyrir því hvar verðlagning kann að vera orðin of svartsýn og hvar kennitölusamanburðurinn við erlend félög sé að verða hagstæður.”