Tilkynning frá OMX | 14.2.

Islandsbanki hf.: Skýrslur ársins 2017

Íslandsbanki hefur gefið út ársskýrslu, áhættuskýrslu (Pillar 3) og
samfélagsskýrslu

Íslandsbanki birti í morgun uppgjör sitt fyrir árið 2017.  Bankinn hefur nú
gefið út ársskýrslu, áhættuskýrslu og samfélagsskýrslu. Ritunum er ætlað að
veita heildstæða yfirsýn yfir margvíslega starfssemi bankans frá ólíkum
sjónarhornum.

Árið 2017 var tímabil uppbyggingar þar sem áhersla var lögð á að styrkja
grunnstoðir bankans en nýjar höfuðstöðvar voru fullkláraðar í Norðurturni í
Kópavogi, verkefnamiðuð vinnuaðstaða innleidd, skipulagi var breytt, og unnið
var að því að skipta um grunnkerfi bankans. Rekstur bankans var á sama tíma
góður og kom hagnaður bankans frá öllum viðskiptaeiningum hans. Bankinn fékk
nýlega Íslensku ánægjuvogina fyrir að veita bestu þjónustuna á bankamarkaði, í
fimmta sinn, og var jafnframt valinn besti bankinn á Íslandi að mati The Banker.

Í ársskýrslu bankans má finna yfirgripsmikla samantekt um starfssemi og stefnu
bankans og helstu atburði sem tengjast rekstri hans árið 2017. Þar er til að
mynda að finna umfjöllun yfir þær fjölmörgu stafrænu lausnir sem bankinn hefur
kynnt viðskiptavinum nýverið. Viðskiptavinir geta til dæmis sótt um og breytt
yfirdrætti í appi Íslandsbanka en appið er þegar orðið stærsta útibú bankans
þegar kemur að yfirdráttarumsóknum.

Samhliða er gefin út sérstök áhættuskýrsla (Pillar 3) sem veitir markaðsaðilum
upplýsingar sem ætlað er að auka skilning á áhættustýringu bankans,
eiginfjárstöðu hans, sem og lausafjárstöðu. Í skýrslunni kemur meðal annars fram
að Íslandsbanki uppfyllti allar innri og ytri kröfur um áhættumörk á árinu 2017
og helst lausafjár- og eiginfjárstaða bankans sterk.

Samfélagsskýrsla bankans kemur út samhliða ársskýrslu í fyrsta sinn en
Íslandsbanki leggur mikla áherslu á samfélagsábyrgð í starfsemi sinni. Unnið er
eftir níu verkefnum er snúa að ábyrgum rekstri og eitt af lykilverkefnum
bankans  árið 2017 var Hjálparhönd, en þá veitir starfsfólk Íslandsbanka góðu
málefni lið einn dag á ári.

Öflugur hópur starfsmanna bankans kom að gerð skýrslnanna en þær veita innsýn í
rekstur bankans fyrir viðskiptavini og hagaðila.

Hægt er að nálgast ofangreindar skýrslur, ásamt fjárhagsupplýsingum, á vef
bankans, https://www.islandsbanki.is/um-islandsbanka/fjarfestatengsl/

Nánari upplýsingar veita

 * Fjárfestatengsl - Gunnar Sveinn Magnússon,
 gunnar.sveinn.magnusson@islandsbanki.is og í síma 440 4665
 * Samskiptastjóri - Edda Hermannsdóttir,
 edda.hermannsdottir@islandsbanki.is og í síma 440 4005

Viðhengi


2017 Íslandsbanki Ársskýrsla: 
http://hugin.info/150077/R/2168734/835106.pdf

2017 Íslandsbanki Samfélagsskýrsla: 
http://hugin.info/150077/R/2168734/835104.pdf

2017 Íslandsbanki Áhættuskýrsla (Pillar 3): 
http://hugin.info/150077/R/2168734/835105.pdf



This announcement is distributed by Nasdaq Corporate Solutions on behalf of Nasdaq Corporate Solutions clients.
The issuer of this announcement warrants that they are solely responsible for the content, accuracy and originality of the information contained therein.
 
Source: Islandsbanki hf. via GlobeNewswire