Tilkynning frá OMX | 16.4.

Almenna leigufelagid ehf.: Útboð á skuldabréfum 18. apríl 2018

Almenna leigufélagið ehf. efnir til útboðs á skuldabréfum miðvikudaginn 18.
apríl næstkomandi. Boðin verða til sölu skuldabréf í flokknum AL260148 fyrir
allt að 3.000 milljónir króna að nafnvirði.

Skuldabréfaflokkurinn er gefinn út undir útgáfuramma félagsins og er hann
verðtryggður, til 30 ára, með jöfnum greiðslum og föstum 3,50% ársvöxtum.
Skuldabréfaflokkurinn er veðtryggður samkvæmt almennu tryggingarfyrirkomulagi.
Áður hafa verið gefin út skuldabréf í AL260148 að nafnvirði 6.040.000.000 kr. og
hafa þau verið tekin til viðskipta á Aðalmarkaði Nasdaq Iceland. Landsbankinn
hf. og Kvika hf. sjá um viðskiptavakt á eftirmarkaði með skuldabréfunum.

Skuldabréfin verða seld á fastri ávöxtunarkröfu, 3,60%. Greiðslu- og
uppgjörsdagur er fimmtudaginn 3. maí 2018.

Almenna leigufélagið áskilur sér rétt til að taka eða hafna hvaða tilboði sem er
í heild eða að hluta.

Tilgangur útgáfunnar er eftir atvikum endurfjármögnun á hluta núverandi skulda
og fjármögnun nýrra fjárfestinga, sjá meðfylgjandi fréttatilkynningu.

Markaðsviðskipti Landsbankans hafa umsjón með útboðinu og fjárfestar skulu skila
tilboðum fyrir klukkan 16:00 miðvikudaginn 18. apríl 2018 á
netfangið verdbrefamidlun@landsbankinn.is

Útboðið er lokað og undanþegið gerð lýsingar, sbr. 1. mgr., 1. tl. a og b, 50.
greinar laga nr. 108/2007 um verðbréfaviðskipti. Grunnlýsing og viðauki við
grunnlýsingu hafa verið birt í tengslum við útgáfuramma félagsins. Grunnlýsing,
endanlegir skilmálar og önnur skjöl er varða útgáfu framangreinds
skuldabréfaflokks eru birt á vefsíðu félagsins, www.al.is/#!/investors/bond-
issuance

Tilkynningar sem Almenna leigufélagið ehf. hefur birt í tengslum við viðvarandi
upplýsingaskyldu frá birtingu grunnlýsingar má jafnframt nálgast á vefsíðu
félagsins.

Nánari upplýsingar veita:

Sigurður Rúnar Pálsson, fjármálastjóri, í síma 848 5290 eða sigurdur@al.is

Gunnar S. Tryggvason s: 410 6709 / 821 2090 og í gegnum netfang Markaðsviðskipta
Landsbankans vegna útboðsins: verdbrefamidlun@landsbankinn.is


Fréttatilkynning Reykjavík Apartments: 
http://hugin.info/174787/R/2184459/843979.pdf



This announcement is distributed by Nasdaq Corporate Solutions on behalf of Nasdaq Corporate Solutions clients.
The issuer of this announcement warrants that they are solely responsible for the content, accuracy and originality of the information contained therein.
 
Source: Almenna leigufelagid ehf. via GlobeNewswire