Heimildaþáttaröðin Stormur var forsýnd í Laugarásbíói á fimmtudaginn var. Þættirnir fjalla um kórónuveirufaraldurinn á Íslandi og var hún í vinnslu í tæplega þrjú ár. Fyrsti þátturinn verður sýndur á Rúv í kvöld. Jóhannes Kr. Kristjánsson gerði þættina, Sævar Guðmundsson leikstýrði þeim og Heimir Bjarnason klippti þá.
https://www.mbl.is/frettir/innlent/2023/01/28/theim_leist_ekkert_a_thennan_kompas_mann/
„Mér leist bara ekkert á þetta,“ sagði Sævar leikstjóri þáttanna í viðtali við Atla Stein Guðmundsson á mbl.is.
„Jóhannes kom þarna með þessa hugmynd þegar maður var að heyra fyrst af þessu Covid-dóti, að það væri nú gaman að gera heimildarmynd um þetta og það fyrsta sem ég hugsaði var að ég nennti ekki að koma nálægt þessu með töng einu sinni, heimildarmynd um einhverjar sýkingar,“ segir leikstjórinn sem í mars 2020 var fullur vantrúar.