Ferðamáti fólks hefur breyst gífurlega á undanförnum áratugum. Hér áður fyrr fóru ferðalög fram á sjó eða landi, en nú fljúga flestir milli staða. Flugvélar eru nokkurs konar strætóar háloftanna og þótt flugtíminn geti verið langur, er hægt að flytja fólk ótrúlegar vegalengdir á tiltölulega stuttum tíma. Langflug reyna hins vegar oft á fólk og því er gott að undirbúa sig vel fyrir slík flug.

Ég hef farið nokkur langflug í gegnum tíðina og læri auðvitað alltaf eitthvað nýtt í hverri ferð. Því ákvað ég að taka saman smá lista yfir helstu atriði sem ég hef í huga fyrir og á langflugi.

1.       Ég tek alltaf inn Feverfew fyrir langflug, byrja svona 2-3 vikum fyrir ferð og held áfram að taka það í 2 vikur eða svo eftir ferð. Feverfew er unnið úr lífrænt ræktaðir glitbrá (lík baldursbrá) og virkar líkt og aspirín, hindrar að blóðið þykkni og dregur úr bólgum. Einnig dregur Feverfew úr mígreni höfuðverkjum.

2.       Fatnaður á langflugi skiptir miklu máli. Vertu í fatnaði sem herðir hvorki að kvið né nára og sem þér líður vel í. Fyrir konur er gott að vera í bol sem heldur að brjóstunum í stað brjóstahaldara á meðan á flugi stendur.

3.       Drekktu nóg af vatni, því loftið og hæðin sem flogið er í leiða til vökvataps í líkamanum. Eins er gott að drekka mikið vatn næstu daga eftir flug. Almennt forðast ég að nota áfenga drykki um borð í flugvélum.

4.       Vertu í aðhaldssokkum eða „flugsokkum" eins og þeir eru gjarnan kallaðir. Þeir halda að fótleggjunum og gera það að verkum að ekki safnast brjúgur á þá.

5.       Ef þú ert á leið t.d. á svæði þar sem mikið er um moskítóflugur, taktu þá inn sterkar B-vítamín í svona mánuð fyrir ferð, á meðan á ferð stendur og í einhvern tíma eftir ferð.

6.       Sértu hins vegar á leið á hálendissvæði er gott að taka góðan skammt af C-vítamíni fyrir ferðina og á meðan á ferð stendur til að styrkja ónæmiskerfið og auka súrefnisupptöku í blóði, auk þess sem það getur lækkað blóðþrýsting.

7.       Taktu góð Omega hylki með þér í ferðina, eins og til dæmis Super Omega 3-7-9 til að forðast almennan þurrk í líkamanum á meðan á ferð stendur.

8.       Ég hef alltaf með mér litla snyrtibuddu með tannbursta, tannkremi, 24ra stunda kremi, svitalyktareyði og RawGanic lífrænum hreinsiklútum. Með slíkum útbúnaði er auðvelt að hressa sig upp fyrir eða eftir lendingu.

9.       Nýlega komst ég upp á lag með að setja á mig rakamaska í langflugi. Ég var með Lavera Rose maskann með mér, en hann kemur í litlum skammtapokum. Ég bar hluta af maskanum á hreina húðina og lét hann svo bara liggja á húðinni allt flugið, enda var engu líkara en hún hefði fengið langtímanæringu þegar á leiðarenda var komið.

10.   Gott er að fara í bað eftir flug og setja baðsalt út í vatnið. Saltið í vatninu kemur jafnvægi á vökva líkamans, dregur úr flugþreytu og veitir aukna vellíðan. Hægt er að kaupa skammtapoka með baðsalti t.d. frá Lavera.

Svo er bara að slaka á og njóta ferðarinnar, því þótt flugið geti verið langt, bíður væntanlega spennandi áfangastaður við lok þess.

Heimildir m.a. úr bókinni UNG Á ÖLLUM ALDRI