Nú þegar líður að jólum gæti staðan á orkumælinum hjá okkur lækkað töluvert. Ég er ekki að tala um mælinn, sem mælir orkunotkun okkar heima, heldur orkuna í líkama okkar. Reyndar er ekki hægt að mæla hana svo auðveldlega, því engan höfum við mælinn, en það er ýmislegt sem gefur til kynna að við séum að ganga á eigin orku.

Þreyta er auðvitað eitt helsta merkið, en þegar streitan fyrir jólin fer að ná yfirtökunum, getur hún snúist upp í það að við eigum erfitt með að sofa. Leggist þreytan yfir okkur eins og þoka að degi til, grípa margir til þess ráðs að hressa sig við, oft með því að fá sér skyndibitamat eða kaffi og eitthvað sætt, í þeirri trú að það hlaði mælinn, svo við höfum meiri orku. Svona fæða veitir okkur kannski orku til skamms tíma, en ekki nægjanlega til að skapa viðvarandi meiri orku. Til þess þurfum við að taka öðruvísi á málunum.

Eins og í svo mörgum öðrum tilvikum, þá er vatn mikilvægt, því þreytutilfinning tengist oft ofþornun líkamans. Í stað skyndibitans má fá sér hnetur og þurrkaða ávexti til að næra líkamann. Og hvíld er mikilvæg, svo kannski er rétt að strika allt það sem ekki er „mikilvægt og áríðandi" úr af minnislistanum næstu vikurnar og fara aðeins fyrr að sofa á kvöldin.

Til að bæta úthaldið og viðhalda góðri orku á álagstímum mæli ég eindregið með Arctic Root, sem ég tek nú í desember, enda á fullu að dreifa bókum um allan bæ. Arctic Root er stundum kallað ginseng norðursins, er orkugefandi og hjálpar til að draga úr streitu og eyðileggjandi áhrifum súrefnisskorts. Mega B-Stress er líka afar hjálplegt bætiefni þegar álagið er mikið, því B-vítamín stuðla að því að melta kolvetni og breyta þeim í orku, en þegar við erum í streitukasti, meltum við matinn oft illa. Q-10 með ubuquinol hefur svo áhrif á orkuframleiðslu frumnanna um allan líkamann, svo það er ekki verra að hafa það með þennan mánuð. Reyndar myndi ég mæla með því að taka þessi bætiefni næstu þrjá til fjóra mánuði, því desember er mikill álagstími hjá flestum og svo taka við dimmir mánuðir, þar sem lítið er um sólarljós og útivera í dagsbirtu í lágmarki.

Heimildir: Úr bókinni UNG Á ÖLLUM ALDRI
Neytendaupplýsingar: Bætiefnin fást í helstu heilsuvöruverslunum og lyfjabúðum og í sumum matvörumörkuðum.