Ég fékk mér linsubaunarétt í hádeginu en þar sem hann var frekar sterkur hjá mér ákvað ég að finna mér eitthvað til að milda hann. Á einum stað í HREIN uppskriftunum fann ég uppskrift að ferskjusalsa og þar sem ég átti eina ferskju ákvað ég að gera salsa úr henni. Full uppskrift sem ætluð er fyrir 4-6 er hins vegar svona:

• 4 vel þroskaðar ferskjur
• ½ stór rauðlaukur (eða meira eftir smekk)
• örlítið af cayenne pipar
• 1 límóna
• handfylli af fersku kóríander
• himalaya salt

Aðferð: Afhýðið ferskjurnar og takið úr þeim steininn; skerið þær í litla bita. Skerið rauðlaukinn smátt. Saxið kóríander. Blandið öllum innihaldsefnunum saman í skál og bætið safanum úr 1 límónu saman við. Smakkið til með himalaya salti. Gott er að útbúa salsað tímanlega til að það geti dregið í sig bragð úr öllum innihaldsefnum, en ef ekki er tími til þess má bara borða það strax.

Eitt af þeim meltingarensímum sem ég hef verið að nota er frá TERRANOVA, en það er nýtt merki á markaði hér. Þetta er vönduð vara sem unnin er úr hreinum, náttúrulegum plöntum. Merkingarnar eru einstakar, því á bæklingi sem hægt er að fá með vörunni er hægt að sjá tilvísanir um nothæfi vörunnar. Flestar tegundir bætiefni í vörulínunni eru án hveitis, glútens, maís, soja, gers, mjólkur, gelatíns, sykurs, litarefna, bragðefna, rotvarnarefna, fylli- og bindiefna og henta grænmetis- og jurtaætum.

Á morgun er síðasti dagur minn á 3ja vikna HREIN detox-kúrnum, nema ég ákveði að halda áfram enn um sinn...