Sendu okkur myndir eða myndskeið úr þínu nærumhverfi á netfrett@mbl.is eða með skilaboðum á Facebook-síðu mbl.is
26.2.2020
Þórólfur og Rögnvaldur þakka fyrir sig og benda á að svona upplýsingafundir verði reglulegir.
26.2.2020
Þórólfur segir að versta mögulega sviðmynd vegna veirunnar sé þannnig að ef heilbrigðisyfirvöld myndu ekkert gera.
Hann segir að staðan sé verst þar sem veiran kom upp, í Hubei-héraði í Kína og yfirfærir tölur þaðan á Ísland í verstu mögulegu sviðsmynd:
„Ef tölur þaðan væru yfirfærðar á Ísland, án þess að við myndum gera eitthvað, gætum við búist við 300 tilfellum. 20 af þeim yrðu gjörgæslutilfelli og dauðsföll upp undir tíu,“ segir Þórólfur.
„Ég held að heilbrigðiskerfið á Íslandi geti ráðið við þetta,“ segir Þórólfur.
26.2.2020
Tíu Íslendingar eru í sóttkví á hótelinu á Tenerife, þar af eitt barn.
Höfðu ekki yfir neinu að kvarta, nema óþægilegum aðstæðum sem það er í, þegar sóttvarnalæknir ræddi við það símleiðis.
26.2.2020
„Við eigum til plön fyrir þetta,“ segir Rögnvaldur, þegar hann er spurður hvort það sé til áætlun ef staðan eins og hún er á Tenerife kæmi upp hér á landi: Einhver gestur á hóteli myndi greinast með veiruna.
Hann segir að þetta fari allt eftir umfangi og eðli.
26.2.2020
Þórólfur segir að fólk sem komi frá áhættusvæðum, N-Ítalíu, Kína, Íran og S-Kórea eigi að fara í sóttkví við heimkomu.
„Við beitum harðari aðgerðum en nágrannaþjóðir eins og Norðurlöndin beita,“ segir Þórólfur.
Um sé að ræða aðgerð til að stoppa veiruna.
Hann ítrekar að fólk eigi að fara eftir fyrirmælum. Ekki sé tök á því að hafa gæslu yfir öllum sem koma og almenningi sé treyst til að fara eftir leiðbeiningum.
26.2.2020
Staðan er þannig núna að rúmlega 80 þúsund hafa smitast af veirunni. Tæplega þrjú þúsund hafa látist, langflestir í Kína.
Þórólfur sóttvarnalæknir segir að það sé eðlilegt að það hafi dregið úr útbreiðslu í Kína.
Hins vegar hefur útbreiðslan utan Kína aukist. Hún er að greinast í fleiri löndum, til að mynda löndum Evrópu.
„Flest tilfellin sem greinast í Evrópu eiga rætur að rekja til Ítalíu,“ segir Þórólfur.
Hann bendir á að Ítalir hafi gripið til harðasta aðgerða Evrópuþjóða á flugvöllum en þrátt fyrir það er veiran skæð þar.
Um 80% af þeim sem veikjast fá sýkingu í vægu formi og virðast jafna sig á því. Um 20% fá alvarlegri einkenni og um 5% þurfa að leggjast inn á gjörgæslu. Dánartalan er 2-3% og hefur haldist stöðugt.
Þó dánartalan sé þetta lág þá skiptir úbreiðslan máli upp á það hversu alvarleg eftirköstin af sýkingunni verða.
Þórólfur segir að veikin sé alvarlegust fyrir fólk með undirliggjandi sjúkdóma og eldra fólk.
Hefur verið að færast nær okkur, sérstaklega með sýkingunum á Tenerife, segir Þórólfur og bendir á fjögur smit á hóteli á Tenerife.
Nánast ómögulegt að hefta úbreiðslu en margir einkennalausir eða einkennalitlir. Hér verður reynt að stöðva útbreiðslu eins og kostur er.
Það er til að minnka álag sem mest á heilbrigðiskerfið eins og kostur er. Þórólfur telur ekki að þetta verði útreiddur faraldur vegna aðgerða Íslands og annarra Evrópuþjóða.
26.2.2020
Tilefni fundarins að stuðla að góðri upplýsingagjöf til almennings. Rögnvaldur Ólafsson gerir ráð fyrir því að svona fundir verði reglulegir á meðan kórónuveiran COVID-19 breiðist út.
Hann segir að veiran muni fylgja okkur næstu vikur og mánuði.
„Við höfum nýtt tímann frá því í lok janúar til að undirbúa okkur eins vel og hægt er,“ segir Rögnvaldur.
Daglegt hættumat fyrir Ísland er tekið og náið er fylgst með því hvað nágrannalönd okkar gera.
26.2.2020
Að sjálfsögðu er allt til alls á fundinum, þar með talið handspritt.
26.2.2020
Þórólfur Guðnason sóttvarnalæknir og Rögnvaldur Ólafsson, lögreglufulltrúi hjá almannavarnadeild ríkislögreglustjóra, eru að koma sér fyrir hér í Skógarhlíðinni. Þeir munu fjalla um stöðu mála vegna kórónuveirunnar COVID-19.
26.2.2020
26.2.2020
26.2.2020
26.2.2020
26.2.2020
26.2.2020