157 Vörumiðlun ehf
Stærðarflokkur Stórt
Röð innan flokks 134
Aðsetur Sauðárkrókur
Landshluti Norðurland vestra
Atvinnugrein - meginfl. Flutningar og geymsla
Atvinnugrein - ítarfl. Flutningsþjónusta
Framkvæmdastjóri Magnús Einar Svavarsson
Eignir 1.115.433
Skuldir 288.950
Eigið fé 826.483
Eiginfjárhlutfall 74,1%
Á listanum öll ár? Nei
Fyrri ár á listanum 2012–2017
Allar fjárhæðir eru í þúsundum króna

Kenna bílstjórum að aka rétt

Magnús Einar Svavarsson framkvæmdastjóri Vörumiðlunar.
Magnús Einar Svavarsson framkvæmdastjóri Vörumiðlunar. mbl.is/RAX

Vörumiðlun á Sauðárkróki er þriðja stærsta flutningafyrirtæki landsins á eftir Eimskipi og Samskipum, og þar við stjórnvölinn er Magnús E. Svavarsson. Hann segir í samtali við Morgunblaðið að mestu skipti að það sé alltaf nóg að gera. „Við erum með vöruflutninga og keyrum frá Reykjavík í Skagafjörðinn og Húnavatnssýsluna, Dalasýslu og á Strandir, en einnig austur fyrir fjall til Hellu og Hvolsvallar sem og til Víkur og Kirkjubæjarklausturs,“ segir Magnús, en félagið sinnir einnig Reykjanesinu eftir að það festi á síðasta ári kaup á Fitjum vörumiðlun í Keflavík.

„Svo erum við líka í afgreiðslu á skipum hér á Sauðárkróki og löndum úr fraktskipum,“ bætir Magnús við og ljóst er að það er í mörg horn að líta hjá félaginu.
Á Sauðárkróki er FISK Seafood með mikla starfsemi, og Vörumiðlun þjónustar það fyrirtæki meðal annars. „Annars er Skagafjörðurinn mikið framleiðslusvæði og héðan er mikið flutt af alls kyns vörum í bæinn, hvort sem það er fiskur, kjöt, mjólkurvörur eða steinull.“

Veltan var 1,7 milljarðar

Velta Vörumiðlunar var 1,7 milljarðar á síðasta ári að sögn Magnúsar, en hann segist ávallt vera opinn fyrir frekari vaxtartækifærum, eins og kaupin á Fitjum vitna um.
„Við erum hér með nálægt 100 tæki í notkun, þar af 50-60 flutningabíla.“
Hækkun olíuverðs hefur verið nokkuð í fréttum á þessu ári. Er það að gera Vörumiðlun einhverja skráveifu?

„Jú, það er auðvitað ekki gott að þurfa að hækka flutningsgjöld, það bitnar alltaf á landsbyggðinni. Við megum ekki við því.“
Magnús segir að ein leið til að bregðast við hækkandi olíuverði sé að mennta bílstjórana í orkusparnaði. „Það er oft hægt að gera góða hluti með því að kenna mönnum að aka rétt. Það er ekki sama hvernig maður keyrir. Þegar á heildina er litið, og á árið allt, þá er mikið sem veltur á þessu. Svo höfum við passað upp á að kaupa ný tæki sem eyða minna en þau gömlu.“
Spurður að því hvort orkuskipti séu að verða í flutningageiranum, með tilkomu rafmagnsbíla eða tengiltvinnbíla, segir Magnús að enn sem komið er sé tæknin ekki orðin nógu fullkomin fyrir svo stóra bíla. „Það þarf mikla orku fyrir svona stóra bíla að taka af stað, bíla sem eru kannski 50 tonn. Ég held að menn séu aðeins að fara fram úr sér í þessu, og enn séu einhver ár í að flutningabílar verði orðnir rafdrifnir.“

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Fleiri greinar og viðtöl