22.9. Framkvæmdastjóri Samtaka verslunar og þjónustu vekur athygli á því í aðsendri grein í Morgunblaðinu í dag, að samkvæmt alþjóðasamningum sem Ísland er aðili að beri póstþjónustufyrirtækjum í þróuðum ríkjum að greiða á bilinu 70-80% af kostnaði við póstsendingar frá þróunarríkjum. Meira

21.9. Stjórn N1 hefur ákveðið að leggja fram nýja tillögu að starfskjarastefnu fyrir hluthafafundinn sem fer fram í næstu viku. Breytingarnar fela m.a. í sér að kaupauki forstjóra getur orðið að hámarki 3 mánuðir frá og með 1. janúar 2019 í stað 6 mánaða áður. Með þessu vill N1 skapa fordæmi í með því að sýna hógværð í breytilegum launagreiðslum til æðstu stjórnenda. Meira

21.9. Alls voru 47 bankamenn í heiminum dæmdir í fangelsi vegna atvika sem tengdust efnahagshruninu árið 2008. Þar af voru 25 frá Íslandi „sem hafði langhæsta tíðni sakfellinga sem enduðu með fangelsisvist.“ Þetta kemur fram í grein á vef Financial Time Meira

21.9. Í síðustu viku, þegar krónan hafði veikst um tæplega 7% frá mánaðarmótum og um rúmlega 2% innan dags, greip Seðlabankinn inn í og seldi 9 milljónir evra. Þetta eru fyrstu inngrip Seðlabankans síðan í nóvember 2017, þegar bankinn keypti 3 milljónir evra. Meira

21.9. Samtök iðnaðarins lýsa yfir vonbrigðum yfir því að í fjárlagafrumvarpi ríkisstjórnarinnar skuli ekki vera gert ráð fyrir meiri lækkun tryggingargjalds en raun ber vitni. Hátt tryggingagjald kemur verst niður á fyrirtækum þar sem laun og launatengd gjöld eru stór hluti kostnaðar. Þetta kemur fram í tilkynningu frá samtökunum. Meira

21.9. Stjórn Samskipa hefur ráðið Birki Hólm Guðnason sem forstjóra Samskipa hf. Áður starfaði Birkir í 18 ár hjá Icelandair, þar af 6 ár á erlendum mörkuðum, en hann var framkvæmdastjóri félagsins frá 2008. Ásbjörn Gíslason er nýr stjórnarformaður Samskipa. Meira

21.9. Kaup Regins hf. á dótturfélögum FAST-1 slhf., HTO ehf. Og FAST-2 ehf. eru formlega gengin í gegn og hefur afhending farið fram. Skilyrðum kaupsamnings, sem var undirritaður 18. maí, var fullnægt í dag með greiðslu og afhendingu að því er fram kemur í fréttatilkynningu frá fasteignafélaginu Reginn hf. Meira

21.9. Veritas Capital ehf. hefur keypt allt hlutafé í Stoð hf., stoðtækjasmíði. Stoð er þjónustufyrirtæki á heilbrigðissviði, á Íslandi og í Danmörku, sem stofnað var árið 1982. Meira

21.9. Makrílaflinn á vertíðinni er kominn yfir 110 þúsund tonn en heildarkvóti ársins er 146 þúsund tonn. Farið er að síga á seinni hluta vertíðar og flestar útgerðir uppsjávarskipa nálgast þau mörk að mega flytja það sem er óveitt af aflaheimildum yfir á næsta ár en heimilt er að flytja 10% á milli ára. Meira

21.9. Rannsókn er hafin á tengslum breskra fyrirtækja við peningaþvætti í gegnum útibú Danske Bank í Eistlandi. Breska lögreglustofnunin National Crime Agency fer fyrir rannsókninni. Talskona stofnunarinnar segir að haldbær gögn liggi fyrir um að fyrirtæki skráð í Bretlandi tengjast málinu. Meira